• Home
  • Hacking
  • Tech News
  • Tips & Tricks
  • Social Network
  • Windows
  • Android
  • Assorted

Monday, October 17, 2011

Zindagi Na Milegi Dobara-Poetry

Zinda Ho Tum...

Dilon me tum apni betabiyan leke chal rahe ho, to zinda ho tum...
Nazar me khwaabon ki bijliyan leke chal rahe ho, to zinda ho tum...
Hawa ke jhokon ke jaise aazad rehno sekho...
Tum ek dariya ke jaise lehron mein behna sekho...
Har ek lamhe se tum milo khole apni baahein...
Har ek pal ek naya sama dekhe nigahein...
Jo apni ankhon mein hairanian leke chal rahe ho, to zinda ho tum...
Dilon mein tum apni betabian leke chal rahe ho, to zinda ho tum...



Dil Aakhir Tu Kyun Rota Hai...


Jab-Jab Dard Ka Baadal Chaya...

Jab Gham Ka Saya Lehraya...

Jab Aansoo Palkon Tak Aya...

Jab Yeh Tanha Dil Ghabraya...

Humne Dil Ko Yeh Samjhaya...

Dil Aakhir Tu Kyun Rota Hai...



Duniya Mein Yunhi Hota Hai...

Yeh Jo Gehre Sannaate Hain...

Waqt Ne Sabko Hi Baante Hain...

Thoda Gham Hai Sabka Kissa...

Thodi Dhoop Hai Sabka Hissa...

Aankh Teri Bekaar Hi Nam Hai...

Har Pal Ek Naya Mausam Hai...

Kyun Tu Aise Pal Khota Hai...

Dil Aakhir Tu Kyun Rota Hai...



Pighle Neelam Sa...




Pighle Neelam Sa Behta Ye Samaa...

Neeli Neeli Si Khamoshiyan...

Na Kahin Hai Zameen Na Kahin Aasmaan...

Sarsaraati Hui Tehniyaan-Pattiyaan...

Keh Rahi Hain Bas Ek Tum Ho Yahan...

Bas Main Hoon, Meri Saanse Hain Aur Meri Dhadkane...

Aisi Gehraiyaan, Aisi Tanhaiyaan, Aur Main… Sirf Main...

Apne Hone Par Mujhko Yakeen Aa Gaya...
 





No comments:

Post a Comment